Актуелни научни истражувања во врска со зависност од коцкање

На 8.10.2024 г. во СУГС Гимназија „Орце Николов“ Скопје со учениците од втора година се одржа работилница со наслов „Кој победува“. Работилницата ја водеше Ана Попризова, психолог и гешталт терапевт.

Цел на работилницата беше да се подигне свесноста кај учениците за опасностите од прекумерното коцкање кај адолесцентите.

Преку краток филм, презентација, групна работа и дискусија се дефинираше појавата на прекумерно коцкање, факторите кои влијаат на развој на оваа појава и препораки за помош и поддршка кај оние ученици  кои се во ризик да развијат прекумерно коцкање.

Работилницата беше проследена со голем интерес и активна вклученост на учениците.