Работилница за справување со прекумерно коцкање кај младите во училиштата

На 27 ноември во „Јавна соба“ во Скопје се одржа работилница на тeма прекумерно коцкање кај младите, превенција и спрвување во училиштата. Работилницата ја водеше  Ана Попризова, училиштен психолог и гешталт психотерапевт, од СУГС Гимназија „Орце Николов“, а учествуваа преку 30 училишни психолози.

Работилницата е дел од кампањата „Коцкањето не е игра“ за едукација и подигнување на свесноста од опасностите од зависноста кај младите од коцкање и за справување нејзините ефекти организирана од Асоцијацијата на наставници и професионалци од областа на образованието „Дидакта Нова“, а поканети беа сите психолози, психијатри, педагози и други стручни лица кои се занимаваат со оваа проблематика. Целта на оваа кампања е да се подигне свеста кај младите за опасностите од коцкањето и да се промовираат алтернативи за здрава забава и ментално здравје. Кампањата има за цел и да ги охрабри оние кои се борат со зависноста од коцкање да побараат помош.